Şeyx Səduq mötəbər sənədlə İmam Rza (ə)dan, O həzrət də atalarından (hər İmam öz atasından), onlar da Əli (ə)dan belə rəvayət edir: Bir gün Həzrəti Rəsul (s.ə.v.) bizə xütbə ozuyub, buyurdu: Əyyühənnas! Həqiqətən Allahın, ayı bərəkət, rəhmət və məğfirətlə sizə gəlmişdir. O, elə bir aydır ki, Allahın yanında ayların ən yaxşısı, günlərin ən yaxşı günləri, gecələri ən yaxşı gecələr, saatları ən yaxşı saatlardır. O ayda sizi İlahi ziyafətə dəvət etmişlər. Onda, Allahın kəramətli bəndələri olmusunuz. Ramazan ayında nəfslərinizin təsbih və yuxunuzun isə iadət savabı var. Əməlləriniz qəbul ( Allah rizası üçün olunduğu təqdirdə), dualarınız icabət olunar. Belə isə, Allah təaladan istəyin ki, düz niyyət müvəffəq etsin. Şəqi və xoş aqibəti olmayan şəxs, o kəsdir ki, bu böyük ayda bağışlanmaqdan məhrum ola. Bu, aclıq və susuzluq ayında qiyamət gününü yad edin. Miskinlərə sədəqə verib, qocaların hörmətini saxlayıb, uşaqlara rəhm edin. Yaxınlarınızı nəvaziş edib, dilinizi pis şeylərdən saxlayın. Gözlərinizi baxmağınız, qulaqlarınızı isə eşitməyiniz haram olan şeylərdən örtün. Başqasının yetimləri ilə mehriban olun ki, sizdən sonra sizin yetimlərinizlə də mehriban olsunlar. Öz günahlarınızdan Allaha doğru qayıdın. Namaz vaxtı əllərinizi Allah dərgahına, duaya qaldırın ki, (dua üçün) namaz vaxtı ən yaxşı vaxtdır. Bu vaxt Allah təala özünün rəhmət nəzəri ilə bəndələrinə baxır. Onlara müraciət etdikləri vaxt cavab verir. Onu çağırdıqları vaxt "Ləbbeyk" deyir və onlardan hacət dilədikləri vaxt icabət edir. Ey camaat, doğurdan da sizin canlarınız əməllərinizin girovundadır. Belə isə, canınızı Allahın məğfirətini tələb etməklə girovdan azad edin. Sizin günahlarınız, kürəyinizdəki yükü daha da ağırlaşdırıb. O yükü uzun səcdələrlə yüngülləşdirin. Ey camaat! Aranızda, bu ayda oruc tutan mömin bir şəxsə iftar verən olarsa, onun savabı Allah təala yanında bəndə (qul) azad etmək kimidir. Həzrət bunu deyəndə, səhabələrdən bəziləri dedilər ki, Ya Rəsuləllah, bizim hamımızın ona, (iftar verməyə) gücümüz çatmır. Həzrət buyurdu: Oruc tutanda, hərçənd xurmanın yarısı və ya su şərbəti ilə iftar verməklə ( Allah rizası üçün), cəhənnəm odundan qorunmaq imkanı əldə edin. Həqiqətən gücü çatmadığı üçün belə edən şəxsə Allah savabını verəcək. Ey camaat, bu ay əxlaqınızı düzəldin! Allah təala qiyamət günü, bu ayda xidmətçilərin işini asanlaşdıran şəxsin hesabını asanlaşdırar. Bu ayda öz qohum əqrabasına sileyhe rəhm edib, onlara ehsan edən şəxsi, Allah təala qiyamət günü öz rəhmətində qərq edər və qohum əqrabasından sileyehe rəhm və ehsanı kəsən şəxsdən rəhmətini kəsər. Bu ayda vacib namazını əda edən şəxsə, Allah təala onun başqa aylarda qıldığı yetmiş vacib namazın savabını yazar. Bu ayda Quran oxumaq savabı, başqa aylarda Quran xətminə bərabərdir. Ey camaat, bu ayda behiştin qapıları açıqdır, Allahdan istəyin ki, onları üzünüzə bağlamasın. Cəhənnəm qapıları bağlıdır, Allah təaladan istəyin ki, onu sizin üzünüzə açmasın...

Geri Qayıt
askim.az