Sağlam və gözəl bir bədənə sahib olmaq üçün mütəxəssislərin tövsiyələrinə nəzər yetirək!
1. İştahı azaltmaq üçün şirniyyat yeyin
Çox sayda elm adamı həzm sistemi ilə bağlı bir sıra araşdırmalar aparıb. Alınan nəticələrə əsasən, yeməkdən əvvəl yeyilən şirniyyat iştahı kəsir və həzm sisteminin daha sürətli çalışmasına kömək edir.
Buna görə də məşhur mütəxəssislər yeməkdən əvvəl şirniyyat yeməyi təklif edir. Sevdiyiniz meyvələrdən hazırladığınız kokteyli içdikdən sonra yeməyə başlayın!
2. Turş şeylər yeyin
"The Comfort Table" kitabının müəllifi Katie Lee deyir: "Limon mənim gizli silahımdır. Suyunu sıxıb çıxara və ya zeytun yağı, kərə yağı və ya duzdan istifadə etmək əvəzinə tərəvəzlərə qatıb istifadə edə bilərsən. İspanağı bir çay qaşığı zeytun yağı ilə pörtlədib üzərinə bir az limon tökə bilərsiniz. Belə çox az kalorili olar".
3. İçməzdən əvvəl mütləq düşünün!
Köşə yazarı Zinczenkonun sözlərinə görə, "Demək olar ki, bir insan yalnız içkilərdən gündə 400 kilokalori alır. Bundan başqa 10 qaşıq şəkərdən istifadə edirik. Əgər meyvə suları və mədən suları əvəzinə şəkərsiz çay və su içsək, ildə 20 kilo arıqlaya bilərik".
4. Yumurtanı sınayın
Pittsburg Universiteti Sports Medicine Mərkəzinin qidalanma bəlməsinin direktoru Leslie Bonci də bunları əlavə edir: "Yumurtada yalnız 70 kilokalori vardır və bunun yanında zülal, D vitamini, dəmir və bəzən Omega-3-dən istifadə etmək olar".
5. Ədviyyatdan istifadə edin
Fərqli ədviyyat qarışıqlarından salat, ya da yeməklərinizdə istifadə edə bilərsiniz. Antioksidant baxımından zəngin olan ədviyyatlar maddələr mübadiləsi və həzm sisteminizin daha tez işləməsinə səbəb olacaq.Darçın qan şəkərini tənzimləyir, kəklikotu xərçəngin qarşısını alır. Ona görə də tərəvəzin üzərinə darçın, salat və makaron sosuna da çoxlu ədviyyat əlavə edin.
6. Tam doymadan süfrəni tərk edin
Mədə dolmağa başlayanda və hələ bir az ac olarkən yeməyi buraxın. Lakin özünü nədənsə məhrum edirmiş hissiylə yox! Çox da ac qalmaq olmaz. Özünüzü həm daha yaxşı hiss edəcək, həm də daha gözəl görünəcəksiniz.
7. Vegetarianlığı da qəbul edin
"The Food Matters Cookbook" kitabının müəllifi Mark Bittman belə deyir: "Sağlamlığını və bel ətrafını düşünürsənsə, qida payının əsas hissəsi tərəvəz olmalıdır.Hər nə olursa-olsun, çox yeməkdə də azadsan. Böyük bir dilim zülal tərkibli və az miqdarda tərəvəz yerinə kiçik bir parça balıq və ya ət və bir qab dolusu tərəvəz ye" deyir.
8. Çox zülal qəbul etməyin!
Həddindən artıq zülal yeməyin. Çünki çox zülaldan istifadə etmək eyni zamanda "yağlı" qidalanmaq mənasını verir. Çox yağlı qidalanmaq də maddələr mübadiləsinin sürətli işləməyinə mane olur. Bu səbəbdən gündəlik qida ehtiyacınızın yalnız 18 %-i zülaldan ibarət omalıdır. Çox zülal qəbulu böyrəklərin funksiyasını da zəiflədir.
