Həftədə 3 dəfə, 20 dəqiqə intensiv olaraq aerobika məşğələləri xanımlara bəs edər. Lakin bununla bahəm piyada gəzməyi də unutmayın. Hər gün gəzintiyə çıxın. Siz bu yolla piylərdən rahat azad olacaqsınız. Gəzintinin müddəti 45-60 dəqiqə olmalıdır. Beləcə siz 350-450 kkal enerji itirəcəksiniz. Digər aerobika məşqləri və pəhrizə riayət etməklə hər həftə 500 qram piyi itirəcəksiniz. Hesablasaq, bu,ildə 24 kq edir. Məşq və gəzintinin nəticəsini ildırım sürəti ilə gözləmək ağılsızlıqdır. Piylərə zərbə tədricən olacaq.
Əgər çəki itməsinin ləng getdiyini hiss etsəz, o zaman qrafikinizi artırmalısınız. Həm də pəhrizinizə dəyişiklik etməli, məşqlərdə fiziki hərəkətləri çoxaltmalısınız. Təkcə velosiped və yerimək aeroblarından istifadə etməyin. Eynilik hamını tez yorur. Məşqlərinizə çoxvariantlılıq qatmalısınız, trenajor və aerobika hərəkətlərini dəyişməkdən çəkinməyin. Arıqladığınızı hiss edən kimi məşq tempini əvvəlkinə nisbətən azaldın.
Növbəti mərhələdə siz qida rasionunuza nəzər yetirin, kalorini bir az artırmalısınız və əzələ yığımına aid olan məşqlər etməlisiniz. Bu piylərin əriməsindən sonraki dövrə aiddir. Lakin çox diqqətli olun: Hər hansısa xırda bir yanlışlıq itirilmiş piyləri yenidən sizə qaytara bilər.
