Tərkibi:
Biskvit üçün:
5 ədəd yumurta
1.5 st şəkər tozu
2 st un
Qabartma tozu
4 x.qduru yağ
Nişasta
Krem üçün:
Krem şanti
Süd
Qatılaşdırılmış süd
Bəzəmək üçün:
Çiyələk
Şokolad
Rənglı qələmlər
Əvvəlcə yumurtanın ağını bərkiyənə qədər çalırıq.
Sonra şəkər tozunu əlavə edib, yenə də çalırıq.
Yumurtanın sarısının üzərinə duru yağı qatıb xəmirin üzərinə əlavə edirik və 4 xörək qaşığı suyu da töküb taxta qaşıqla qarışdırmağa başlayırıq.
Sonra isə un, qabartma tozu və nişastanı töküb yenə qarışdırırıq.
Qabımızı yağlayıb xəmirimizi bişməyə qoyuruq.
İndi isə başlayaq kremi hazırlamağa.
Şantini və südü mikserlə bərk olana qədər çalırıq.
Sonra üzərinə qatılaşdırılmış süd qatıb yenə də çalırıq və budur, kremimiz də hazırdır.
Şokoladı sürtkəcdən keçiririk
Çiyələkləri doğrayıb, üzərinə şəkər tozu əlavə edib bir az yumşalmasını gözləyirik.
Biskvitimiz hazırdı artıq, onu 3 yerə bölürük.
Soyuduqdan sonra kremləyib arasına çiyələk düzürük, hər qatı eyni edirik.
Sonra da üzərini kremləyib rəndələdiyimiz şokoladı hər tərəfə səpirik (qıraqlarına və üzərinə), zövqə görə bəzəyirik.
P.S. Bu tortu da eyni resept ilə etmişəm, sadəcə bunu dərin qabda hazırlayıb ortasına gəlincik yerləşdirmişəm.
