Doğumdan qısa bir müddət keçdi və tətil mövsümü gəldi çatdı… Keçmişdə körpə bir az böyüyənə qədər ana-atasının tətilə çıxması doğru olmazdı, cütlər də böyüklərinin bu istiqamətdəki xəbərdarlıqlarını dinləyərdilər. Tətil etməyin körpəyə zərəri deyil, faydası var. Körpə ilə tətilə çıxmaqdan qorxmağınızın səbəbi bəzi mövzularda hazırlıqsız olmaqdırsa, bunu da dərd etməyin. Mütəxəssislər yaxşı bir plan sayəsində körpənizlə çox gözəl bir tətil etməyinizin mümkün olacağını söyləyir. Bunun üçün də etməniz lazım olan ən əhəmiyyətli şey, mümkünsürsə, körpənin ilk peyvəndlərini etdirmiş olmaq və tətil çemodanlarını gərəksiz əşyalarla doldurmaq yox, lazım olan şeyləri yığmaqdır. Səfərə çıxmazdan əvvəl hazırlıqlara başlayarkən körpənizin o yaşda ehtiyac duyduğu hər şeyi özünüzlə götürün. Məsələn, körpəniz çox kiçikdirsə və tez-tez qusursa, çoxlu önlük, dəsmal, kifayət qədər geyim, əl dəsmalı, kiçik plastik şüşələrdə olan maye sabu və səth təmizləyiciləri alın. Bundan başqa tətil planı qurarkən istirahət edəcəyiniz otelin ya da pansionun yerinə də diqqət yetirin. Seçəcəyiniz tətil məkanı şəhər mərkəzinə yaxın, yaşıl sahəsi olan, sahili və otaqları təmiz yerlər olmalıdır.
Mütəxəssislərin kiçik uşaqla tətilə çıxacaq ailələrə, gedərkən yanlarında götürmələrini tövsiyə etdiyi məhsullar:
- Kifayət qədər nəm salfet, kağız dəsmal və önlük;
- Həm körpənin çantasına, həm də səyahət çantasına çoxlu körpə bezi ilə alt dəyişdirmə bezi qoyun;
- Səyahət boyunca körpənin özünü yaxşı hiss edə bilməsi məqsədiylə çox sevdiyi bir oyuncağını götürün. Bundan başqa dərhal sıxılmasın deyə yeni bir oyuncaq da saxlayın;
- Zibil paketi;
- Körpə üçün dırnaq qayçısı;
- Körpənin qızdırma salıcı siropları, krem, istiliyə qarşı körpə yağı, ola biləcək narahatlıqlara qarşı antibiotikli krem ya da gel, termometr, avtomobil ya da təyyarə tutmasına qarşı olaraq qusmaların qarşısını alan dərmanları götürməyi unutmayın;
- Körpənin ayına, yaşına uyğun olaraq bir neçə dəst ehtiyat paltar;
- Özünüz üçün kiçik ölçüdə fərdi əşyalarınızı yerlədirə biləcək bir ədəd bel çantası;
- Otel seçimi körpə baxımından çox əhəmiyyətlidir. Körpə otelə uyğunlaşmada çətinlik çəkə bilər. Ümumi adaptasiya sindromu adı verilən bir problem ilə qarşı-qarşıya qala bilərsiniz. Məsələn, tualeti yadırğayıb qəbiz ola bilər, iştahı azala bilər. Lazımlı tədbirləri nəzərə alın;
- Otelin ya da pansionun eyvan qapılarının təhlükəsizliyinə nəzarət edin;
- Kiçik bir otel, ya da pansiona gedəcəksinizsə, yanınızda ehtiyat yataq dəsti götürün;
- Gecənin sərin ola biləcəyini düşünərək körpəniz üçün əlavə ədyal, pambıqlı qalın geyimləri yanınızda götürməyi unutmayın.
